Litla skipulagða

Edda´s diary

20.3.05

Hæ hæ hér kem ég enn á ný. Sko ég er alltaf að koma að óvörum. Ég kem alltaf sterk inn þegar ég kem.

Þetta eru búnar að vera strembnar vikur. Mikið að gera í vinnunni, heima og í skólanum svo tekur Katrín Ýri mikinn dásamlega tíma frá mér. Hún hringir stundum í mig og biður mig um að koma með sér hitt og þetta, í búðir, keyra sig í vagninum um Kópavog, borða með sér og hvort hún megi vera hjá mér smá stund svo ég geti skipt á sér þegar hún er búin að kúka. Haldið þið að það sé hægt að segja nei, nei akkúrt það er sko ekki hægt.
Svo er ég búin að vera í trylltu skapi alla vikuna búin að vera óþolandi við allt og alla, en dætur mínar frumburðurinn og örverpið björguðu mér gáfu mér gjöf og komu mér til að brosa við lífinu aftur og minntu mig á að mér ber að vera þolinmóð, umburðarlynd, geðgóð, ástrík, dugleg og þrifin, og miðdóttirin tók utanum mig og smellti á mig nokkrum kossum, er hægt að hafa það betra? Svo varð ég voða væmin og góð við Gunna og fór og keypti á hann Boss bol (var að vísu búin að kaupa á mig bol og buxur og D og D gáfu mér gallabuxur) bolurinn er klæðilegur og Gunni er rosa flottur í honum. Ég meira að segja gaf Katrínu Ýri sterkbleika sokka, svona get ég verið góð.

Svo er erfitt verkefni í skólanum núna sem við trillurnar þrjár (edda, lilja og sigrún hulda)þurfum að skila af okkur 29. apríl en við ætlum sko að skila því sem fyrst í kringum 20. apríl þá eigum við smá breik til 9. maí. Og við ætlum ekki að gera neitt um páskana nema að hafa það notó með fjölskyldu okkar.

Við Gunni erum að fara til London með Ester og Einari vinafólki okkar og ég hlakka svo til að það nær engri átt, ég ætla að eiga yndislega daga með þeim.

Raggi er úti núna í æfingarferð á Spáni og Laufey er í Svíþjóð. Raggi verður úti um páskana en Laufey kemur á morgun og fer upp á Skaga um páskana svo við hjónin eru bara með litla dýrið og Mána heima. En ætlum upp í sumó með ömmu Unni, Dögg, Erling, Katrínu Ýri, Dagnýju og jafnvel Önnu Margréti, ég hlakka líka til þessa.

Ég gleymdi að segja frá því að við fórum á Selhól (sumarhús í Grímsnesi hjá Klausturhólum) síðustu helgi, Gunni var í Noregi á ráðstefnu svo við fórum á föstudeginum upp í bústað, ég, amma Unnur, Raggi, Laufey, Anna Margrét og Bogi. A og B fóru snemma á laugardagsmorguninum heim á leið því A þurfti að fara að vinna snemma og keppa í fótboltanum. Ég og amma Unnur fórum í bæinn klukkan 17 en R og L urðu eftir til sunnudags. Dögg, Erling og ömmu-sál ætluðu með okkur en þau voru öll kvefuð upp til hópa. Sem sagt með hor og slef. En D, E og K buðu mér í mat á laugardagskvöldinu og á videogláp. Við sáum The Mummy ein af mínum uppáhaldsmyndum svona mynd í Indina Jones stíl. Ég fór heim um 1:3o um nóttina og hélt nú að litla dýrið (Dagný) væri heima að taka á móti mömmu sinni en það var öðru nær. Og í sannleika sagt var ég hálf skelkuð, allt slökkt í húsinu, ég ein heima (Máni var á sjens) og ég nýbúin að horfa á þessa líka bráðskemmtulegu múmíumynd. Og ég hélt að Anna Margrét myndi sofa hjá mér en það var öðru nær, og litla dýrið kom ekki heim fyrr en um morgunsárið þegar sól var að rísa upp úr haffletinum. Svo ég varð að sofa með allt uppljómað þökk sé mínum elskulega tengdasyni og hans slekti, en mig dreymdi svo sem engan óhugnað. En ég verð að viðurkenna það að ég fór og horfði á Mummy 2 daginn eftir hjá D, E og K en svaf betur þá nótt því minn heittelskaði var komin frá útlandinu.
J
æja ekki meira blögg nei djók blogg að sinni og mál að linni.
Skrifa kanski meira næst ég sé til í hvaða stuði eða kruði ég verð.
Og eitt enn ég sakna B svolítið og ekki orð meira um það.
Litla skipulagða ég.
Es. Nýyrði þessa pistils er kruði sem þýðir að vera krumpaður eftir langan nætursvefn.

4.3.05

Jæja já, ég er komin einu sinni enn.
Er hjá Dögg og Katrínu Ýri að „snilla“.
Katrín er búin að vera eitthvað óró, en amma svæði hana, ég hef ótrúlega góð áhrif á hana, og hún að sjálfsögðu á mig líka.
Það er brjálað að gera eins og vanalega, en ég er þó að „blögga“ núna.
Skrifa seinna meira þarf að fara að huga að Dögginni og litlu ömmu sál og heim að læra, læra, læra.
Svo er vitanlega IDOLIÐ í kvöld og þá þarf að skella í sig einu til tveimur glösum að rauðvíni og ég gaf það í skyn í gær að ég ætla ekki að elda neitt í kvöld.
Raggi og Laufey ætla upp á Skaga, Dagný borðar yfirleitt ekki neitt heima við, svo við erum tvö hjónakornin svo ég bið minn heittelskaða að bóða mér upp á kínamat............